Thursday 30 October 2003

This site will be updated on 6 November  2003 at 17:00

Sport

• Solly skop sege los
• Standards te sterk vir Windmeul
• Boland cricket ladies still putting on runs
• Reën keer Wellington om vir nederlaag te vergoed

platvoet gevang en goeie gebiedsvoordeel vir sy span verseker.

Hoewel die Luiperds vroeg in die tweede helfte hul voorsprong verleng het ná 'n strafskop deur losskakel Willem de Waal, het 'n welverdiende drie deur Van Zyl en 'n doelskop deur Goosen die Kavaliers vir die eerste keer die voortou laat neem.

Nog drie strafskoppe, twee deur die Luiperds en een deur Goosen, het die tuisspan met 'n enkele punt laat voorloop.

Dit was egter 'n laatloop op 'n skoppende Goosen deur die plaasvervanger-skrumskakel Donovan Comera in die Kavaliers se kwartgebied wat die Wynboere die kans op 'n sege gegee het.

Die strafskop is toegestaan waar die bal geland het, sowat 30 meter van die pale, en Goosen maak geen fout nie.

"Dit is beslis die hoogtepunt van 'n lang seisoen wat moeilik begin het. Maar die spelers moet die krediet kry vir die feit dat hulle nooit moed opgegee het nie," het die Boland-afrigter, Hawies Fourie, gesê.

Volgens Fourie is hulle tans besig met die kontraktering van spelers.

"Dit sukkel maar met die begroting wat R700 000 minder is as verlede jaar. Ek kan nie al die spelers behou wat ons tans het nie.

"Nege spelers wat vanjaar gespeel het, is nog nie 'n kontrak aangebied nie," het die breier ietwat afgehaal gesê.

Die span is reeds die dienste van die staatmakerflank David Hendricks kwyt, wat volgende jaar vir WP sal uitdraf. Die losskakel Daniel Philander is ook op pad nadat hy deur SWD gekontrakteer is.

GOEIE dryfwerk het die grondslag gelê vir Young Standards se 13-6 (9-3) oorwinning oor Windmeul United in die Paarl Rugby Uitdaagbeker-eindstryd wat Vrydag op Daljosafat gespeel is.

Windmeul het geen antwoord gehad op die afgeronde dryfbewegings van Standards se pak nie.

Windmeul kon nie hul ritme vind nie en hanteerfoute het telkens goeie aanvallende bewegings gekelder.

Standards se drie is gedruk deur Brendon van Schoor wat ook aangewys is as die speler van die aand. Bradman Arendse was in die kol met twee strafskoppe en 'n doelskop.

Windmeul se twee strafskoppe is deur Jannie Williams oorgesit.

In die plaatfinaal vroeër die aand was sake baie gelyk met Violets wat Laer Paarl net-net met 15-14 kon klop.

Laer Paarl se pak het die botoon gevoer en genoeg besit vir hul agterlyn verseker. 'n Gebrek aan ondervinding het egter verhoed dat hulle dit in punte omskep het.

Violets het egter koelkop gebly onder druk en hul kanse gebruik wanneer hulle in Blues se gebied was.

Daarby het hul rotsvaste verdediging vir Laer Paarl geen deurkomkans gebied nie.

Vir Violets het Ashley Raubenheimer en Granville September gedruk, met Dylon Williams wat met 'n doel- en strafskop geslaag het.

Adrian Baadjies het vir Blues gedruk en Jacques Thompson was suksesvol met drie strafskoppe.

ANOTHER spirited performance by the Boland women's cricket team ensured that they stay at the top of the Coastal division in the national league competition.

Unfortunately the game against the visiting Free State team on Saturday was called off due to rain. This didn't dampen the spirits and on Sunday Boland took it to Border.

Border won the toss and sent the home team in to bat under difficult batting conditions.

After losing a few early wickets, Helmien Rambaldo (82) started to dominate the Border bowlers. Together with Alicia Smith (49) they put on an 82 run partnership.

Rambaldo and Madelein Lötter (21) piled up a quick 53 run partnership to steer the home team to a commanding 225/7 in their alotted 50 overs.

In the bowling attack Smith was once again dominant with figures of 3/25 and helped by Merecé Mackier (2/28) restricted the visitors 28/2 in the first 10 overs.

L Jordaan tried to keep the Border innings together with a gutsy 50 before being superbly run out by Veronique Whitebooi.

Border only managed a total of 125 before being bowled out with one ball remaining. Boland thus wins by 100 runs.

The Boland team's next fixtures are all away games. On Saturday they take on Griquas in Kimberley and on Sunday they face Free State in Bloemfontein.

SATERDAG se hewige reëns het verhoed dat enige plaaslike Boland-ligakrieketwedstryde dié naweek gespeel word.

Dit het die Three Ships Wellington Krieketklub se eerste span van die kans ontneem om teen Coronations te vergoed vir hul naelskraapse nederlaag teen Worcester United die vorige naweek.

Op Worcester het die tuisspan die loot gewen en Wellington ingestuur om eerste te kolf.

Na 'n goeie begin val paaltjies met gereelde tussenposes totdat Sarel Wolmarans (63 nun 5x6, 3x4) 'n kapteinsbeurt speel. Hy is goed bygestaan deur Timmy Cornellissen (39 3x4) en Steyn Basson (32 3x4).

Wellington word uitgeboul vir 208 lopies.

Bardo Fransman (3/51), Garfield Goetham (4/61) en Hilton Peterson (2/26) was verwoestend vir die Worcesteriete.

Worcester United jaag die teiken teen 'n vinnige tempo, maar verloor gereeld paaltjies.

Arne Cuttings (107) is die tuisspan se groot uitblinker, met verbroude vangkanse wat Wellington duur te staan kom.

Henko Borman (4/42) was die beste bouler vir Wellington. Worcester behaal die wenlopies met sewe paaltjies plat.

Wellington II se wedstryd teen Coronation II is ook afgestel. 

Dié tweede span het egter verlede naweek hul derde oorwinning behaal deur vir Oostelikes te klop.

Wellington kolf eerste en behaal 227 lopies. Rudi de Bruyn (66 8x4), Fritz Basson (43 8x4), Cedric Williams (33 3x6, 1x6) en Marius Dempers (37 5x4, 1x6) maak goeie bydraes.

Oostelikes jaag die lopies, maar die Wellingtonse boulaanval was net te sterk. Barry Olivier (3/21) en Rudi de Bruyn (3/42) speel 'n groot rol.

Oostelikes word almal uitgeboul vir 195 lopies vir 'n oorwinning van 32 lopies.