DIE Frank Pietersen Musieksentrum se volwasse koor en jeugkoor het weer hul oefening vir 2002 begin.

Die volwasse koor oefen Maandae van 19:00 tot 20:30 onder leiding van Lona Stofberg, wat verbonde is aan La Rochelle Hoërskool sowel as Hoër Meisieskool.

Die jeugkoor oefen Maandae van 17:00 tot 19:00 en die koorleier is Sheryl Hendricks, 'n leerkrag by Weltevrede Sekondêr.

Alle belangstellendes is welkom om Maandae by die kore te kom aansluit in Sanddriftstraat. Vir navrae, skakel 872-2123.

ON Sunday and Monday the acclaimed Soweto String Quartet will open the February Fortnight of "Kings and Queens of Africa" at Spier, celebrating some of the great musicians to emerge from this continent.

As everyone knows, the Soweto String Quartet is not your average classical string quartet and their distinct sound has won them fans all over the world.

When their parents forbade the three Khemese brothers Sandile, Thami and Reuben to hang out on the hostile streets of Soweto, they turned to African choral music and learnt to play "those funny Eurocentric" instruments. With ease they mastered the violin and cello.

While the elder brothers Reuben and Sandile were playing in Aberdeen, Scotland in the late 1970s, their burgeoning talent was spotted and in 1980 they were given the chance to study music at the Darlington College of Arts in England.

After two years Reuben returned home and Sandile went to study for four years at the Royal Northern College of Music in Manchester.

In 1986, armed with new music skills and having been exposed to diverse cultures, languages and lifestyles, the three brothers came together again.

When their boyhood friend Makhosini Mnguni joined them on the viola, the Soweto String Quartet was born.

Bookings can be made through Computicket on 083-915-8000 or the Spier Box Office on 809-1165/77/78. Book online www.computicket.com or www.spier.co.za.

DIE Wellington Dahliavereniging vier vanjaar sy tiende bestaansjaar en die jaarlikse dahliaskou word Saterdag in die JMN Breedtsaal, Parkstraat, op Wellington gehou.

Deure open om 14:00.

Pragtige dahlias sal in meer as tien afdelings uitgestal word. Daar sal ook 'n ope-afdeling wees waarin nie-lede kan inskryf. Om 16:30 sal daar blomme verkoop word.

Toegang vir volwassenes is R5. Verversings sal ook verkoop word. Vir nader besonderhede bel die sekretaris B Davey by 868-4887 of T Pretorius by 873-3605.

DIE eerste uitvoering vanjaar op die La Motte Wynlandgoed in die Franschhoekvallei is op Saterdag 9 Februarie met die Armeensgebore pianis Sergei Babayan.

Sedert 1989, toe Babayan die eerste prys in die gesogte Robert Casedeus Internasionale Klavierkompetisie verower het, het hy 'n bekende op internasionale konsertverhoë geword. 

Vir sy optrede op La Motte het Babayan 'n ongewone program saamgestel wat uit meer as dertig bekende en minder bekende kort werke van Bach en Rachmaninoff bestaan. 

Hy skryf soos volg oor sy programkeuse: "Ons leef in 'n eeu waarin ons vir alles op die uitkyk moet wees, vir nuwe, dieper waardes, en ontvanklik moet wees vir iets nuuts en oorspronkliks, met meer diepsinnige betekenisse, nie net in die musiek self nie, maar selfs ook in die manier waarop ons 'n program saamstel".

Die konsert vind in die historiese kelder op die landgoed plaas. By aankoms word gaste met 'n drankie verwelkom en na afloop van die konsert is daar ligte versnaperings.

Die uitvoering begin om 19:00 en toegang is R80 per persoon. Bespreek by Angela (876-3114/9).