|
DIE Drakenstein Sentrum is 'n geregistreerde welsynsorganisasie wat dienste lewer aan persone met gestremdhede.
Die sentrum is geleë op die perseel van die Paarl Vaardigheidskool (ou Khuthele skool) op die Simondium-pad.
Gestremdes kry steun met maatskaplike dienste terwyl daar ook gefokus word op vaardigheidsopleiding binne 'n werkswinkel-opset.
Waar moontlik word gestremdes voorberei vir plasing in die ope arbeidsmark met werk in die vier afdelings (stoffeerwerk, houtwerk,
kontrakwerk en naaldwerk).
Daar word ook strategiese vennootskappe met besighede in die privaatsektor gesluit vir kontrakwerk.
Daar word ook gefokus op sosiale vaardighede en die sentrum poog om elke ses maande 'n uitstappie te reël na 'n bestemming wat
hulle andersins nie sou kon besoek nie, bv Tafelberg en Ratanga Junction.
Drakenstein Sentrum beywer hulle ook vir bewusmaking en verlede jaar is meer as 2600 leerders in graad 6 en 7 bereik in 'n
skoleprojek.
Vanjaar word groter bewustheid onder personeelbeamptes van die korporatiewe sektor beplan.
Daar gaan veral klem gelê word op die tipes gestremdhede en die invloed daarvan op 'n werknemer se produktiwiteit, sodat 'n
ingeligte besluit geneem kan word wanneer persone met gestremdhede aansoek doen vir werk.
Rig navrae oor maatskaplike dienste aan Celista Gerber (863-0446/7) en oor die werkswinkel aan Anna O'Callaghan by dieselfde nommer.
|
